A core a core cu Raziella mia
stava assettato a chillo pizzo là.
Lu patre asceva e schitto `nc'era a zia,
ma zitto zitto nce se potea parlà.

La zia filava e poco nce senteva
ca pe lu suonno la capa le pennea.
Io la manella de Nenna mia pigliava
che non volea ma se facea vasà.

Essa cantava co chella bella voce:
lu mandolino io me mettea a sonà,
essa diceva cantanno doce doce:
Aniello mio, io sempre t'aggio a amà.

La zia filava e poco nce senteva
e pe lu suonno la capa le pennea
ma se'ntrasatto essa maje se scetava
o locco subbeto io me metteva a fa.