Fenesta vascia e padrona crudele
quanta sospire m'aie fatto jettare!
Mm'arde sto core comm'a na cannela
bella quanno ve sento annommenare!
Oje pigli la sperienzia de la neve,
la neve è fredda e se fa maniare,
ma tu comme si ttant' aspra e crudele,
muorto mme vide e non me vuò ajutare.

Vurria arreventare no picciuotto,
co na langella e gghi vennenno acqua;
me ne jarria pe chiste palazzuotte:
"belle femmene meje, a chi vò acqua?"
Se vota na nennella da llà `ncoppa:
"Chi è sto ninno che va vennenn'acqua?"
E io responno co' pparole accorte:
"So'llagreme d'ammore e non è acqua"